العراقي مو ابو الغيرة
لأن العراقية دوم مكسور خاطرها ودمعتها على خدها
العراقي مو ابو الغيرة
لأن العراقية دوم تتحسر على ابسط الاشياء وما بيدها حيلة
العراقي مو ابو الغيرة
لأن باقي النساء بالدول الثانية تلبس احلى الملابس، احمر، واخضر، واصفر، والعراقية تلبس چفن أسود وصاير رصاصي من تراب الشوارع
العراقي مو ابو الغيرة
لأن العراقية سليلة سميراميس وشبعاد والممثلة الرسمية لعشتار على الارض، هسه صار مكانها المطبخ
العراقي؟
العراقي مو ابو الغيرة
لأن العراقية ممكن تنقتل بجريمة شرف او غسل عار اذا ضحكت او سولفت او گعدت وي صديق
العراقي مو ابو الغيرة
لأن العراقي غيرته مربوطة بكس اخته وبكس امه
العراقي مو ابو الغيرة
لأن العراقي يتفاخر بعلاقاته الجنسية وونساته حتى لو بالچذب ويتفيك على العراقية لأن ما عدها تجارب سابقة
العراقي مو ابو الغيرة
لأن العراقية تتعرض للتنمر والابتزاز والاهانة اذا ما سمعت حچاية العراقي
العراقي مو ابو الغيرة
لأن يسمي العراقية ام كرش وهو يعرف كلش زين العراقية محرومة من روحة النادي الرياضي
العراقي مو ابو الغيرة
لأن يسمي العراقية وزارة الداخلية كإهانة الها، بالرغم من انو العراقية جاي تشتغل خدامة للخلفوه تطبخ وتكنس وتغسل هدوم وتُعامل على انها مواطن درجة ثانية ويمكن ثالثة ورابعة. العراقي ابد مو ابو الغيرة
لأن يسافر ويطلع ويتونس, ويخلي العراقية گاعدة بين اربع حيطان مثل شمعة الفگر
العراقي مو أبو الغيرة
لأن العراقية لازم "تحتشم" حسب عادات عشيرة جنابه الكسيف, وبعدين هو يروح يلهث وره باقي النساء من غير بلدان لأن حسب استنتاجه الفيطي "هذنيچ يبرگن والعراقية زرگه"، غير زرگه من وره عيشتك الزفره يا طلي؟
العراقي مو ابو الغيرة والله
لأن العراقية وجهها شاحب وداگها الضيم ومبينه اكبر من عمرها
العراقي مو ابو الغيرة
لأن العراقية وظيفتها بالحياة تستلم اوامر وتنفذ مثل الروبوت
وهالشي يأثر على حالتها النفسية ويخليها عصبية
بس لأن ما بيدها حيلة ف عصبيتها تكبتها بداخلها وتسكت
العراقي؟
العراقي مو ابو الغيرة وهسه أگولك ليش
لأن رغم كل هذا، بكل صلافة ووقاحة يرجع العراقي ويگول العراقية ماخذه كل حقوقها
العراقي مو ابو الغيرة
لأن لو العراقي ابو الغيرة چان ما حقوق العراقية صايرة بذيل قائمة حقوق النساء بالعالم
ولو العراقي ابو الغيرة چان العراقية هسه مساوية للعراقي مثل ما الايسلندية مساوية للإيسلندي
ولو العراقي ابو الغيرة چان اعترف بهاي الامور، بس لأن العراقي مو ابو الغيرة ومو گد المسؤولية، ف ما راح يعترف
اصبرلي خل أگولك ليش العراقي مو ابو الغيرة
العراقي مو ابو الغيرة
لأن الغيرة مال العراقي جرائم شرف وغسل عار وقتل وذبح
يعني بالمشرمحي غيرة داعشية
والعراقي مو ابو الغيرة
لأن ما راح يفهم الغيرة اللي اتكلم عنها، هاي اسمها الغيرة الانسانية
والعراقي مو أبو الغيرة
لأن ينام بالليل مرتاح والعراقية قبل لا تنام تفكر بالانتحار
والعراقي مو بس ما عنده غيره, العراقي ما عنده رجوله
العراقي ما عنده رجولة لأن عباله الرجولة بضرب النساء، في حين هي الرجولة لمن تضربك إمرأة تبوسها براسها وتگولها عد عيناج اللي تريديه يصير واني خادم
العراقي عربانة
لأن يخاف من حچي الناس ويندفع على نساء عائلته ويأذيهم
العراقي ما عده ثقافة جنسية
يعني نحچيها طگ بطگ ، العراقي ما شايف. بحيث يخبص الامه كلها لمن يمارس الجنس ، وكأنما حرر فلسطين. وكأنما بس هو عنده عير، وكأنما الچلب والعتوي والمطي ما يعرفون يمارسون الجنس
وبس بهاي الشغلة العراقي عنده غيرة
يغار من العتوي لأن
خل اسولفلكم بعد على العراقي
العراقي يعتبر ممارسة الجنس إهانة، يعني هو فعليا يعتقد انو هو جاي للدنيا من خلال عملية اهانة، عملية راكب ومركوب، ابوه وجه اهانة لأمه فطلع للدنيا اينشتاين ابو الغيرة
العراقي حتى يثبت إنو فعليا عنده غيرة
ومن العراقية يبين على وجهها الخير, وتشتغل وتطلع وتلبس وتصير مثل الايسلندية والدنماركية والنرويجية
بذاك الوقت العراقي حقه علينا ونبوسه براسه ونگوله انت ابو الغيرة
مو غيرة الدواعش واهل العمايم والعگل حشاكم
لا
الغيرة اللي نريدها هي الغيرة الانسانية
غيرة اهل البيرة
